Dwa Kapały i jedyn Ojgyn

Kochani Czytelnicy,
chciołbych was zainteresować jednom ciekawom sprawom. Na lajerkastli znojdziecie nagrania od Ojgyna z Pniokow, jak i od Antka i Szczepona Kapałow. Ojgyna możecie słuchać roz na tydziyń na piekarskim radiu, a Antka i Szczepona Kapałow możecie posłuchac na Wesołym Hanysie. No, a jak ktoś by zapomnioł, to może zawsze na lajerkastli posłuchać, jak bydzie mioł czas. Ojgyn godo po naszymu, a Kapały po ichniymu, ale idzie ich zrozumieć, a i łoni umiom nos zrozumieć.

No i teraz prziszoł czas, żeby sie i reszta Polski, co jo pisza, Europy, a nojlepij cołkigo Internetu o tych łozprawianiu dowiedziała. Zgłosioł żech Ojgyna, jak i Kapałow do europejskiego konkursu na podcast, i chciołbych, żebyście ich wsparli, i na nich głosowali, żeby sie im powiodło, i żeby sie o nich jak nojwiyncyj ludzi dowiedziało.

Poniżyj mocie dwa łobrazki, styknie, że klikniecie na click here to vote! i potym otworzi sie nowo strona, kaj możecie zagłosować, i ocenić te dwa podcasty, klikając na gwiazdki, przez co ocenicie te dwa podcasty.

Głosować możecie do połowy lutego, a każdy, kto zagłosuje, to może tyż wźiońć udział w losowaniu ciekawych nagród - no to teraz nic yno głosować

Ojgyn z Pniokow - zagłosuj na podcast

Antek i Szczepon Kapała - zagłosuj na podcast